Ma Sta Pansa

A go pansa che someio un porseo
Da quanto grossa non me vedo l’oseo
Vo sua balansa e peso quasi un quintae
So grosso che gnanca someio normae

Me meto in dieta magno solo sucoi
Do tre carote co un po’ de fasoi
La sera invesse magno late col pan
Che vita infame so drio fare xio can

Rit.
Ma sta pansa, non la voe nar via
A someio, un vecio da ostaria
Mi non capisso mia
Perché non ‘a vaga via
Bevo na bira, e non ghe penso più
Ghin bevo anca du.

A vo in palestra quatro ore ogni dì
De alsare pesi non ghe ne posso pì
A fo flessioni, coro sul tapetin
Sognando de magnar polenta e coessin

Ed co i me amici, quando vo in tratoria
A magno pasta solo se a xe scondia
E de nascosto dopo vo in pizeria
E togo quatro pize da portar via

Rit.
Ma sta pansa, non la voe nar via
A someio, un vecio da ostaria
Mi non capisso mia
Perché non ‘a vaga via
Bevo na bira, e non ghe penso più
Ghin bevo anca du.

Me meto ‘e scarpe e vago fora parchè
A voio corare finchè stago in piè
Co fasso diese metri da casa mia
Me manca el fià e sento che volto via

A torno casa che so un po’ inseminio
A go deciso che non torn o più indrio
A togo ‘a machina e vago in bireria
E togo 100 euro de porcheria.

Rit.
Ma sta pansa, non la voe nar via
A someio, un vecio da ostaria
Mi non capisso mia
Perché non ‘a vaga via
Bevo na bira, e non ghe penso più
Ghin bevo anca du.